2022-рэ илъэсым пыкIыгъэ уахътэм къыкIоцI автобусхэр зыгъэIорышIэхэрэм ялажьэкIэ Адыгэ Республикэм игъогухэм хъугъэ-шIэгъэ тхьамыкIэгъуищ къатехъухьагъ, ахэм апкъ къикIэу нэбгыри 3-мэ шъобжхэр атещагъэ хъугъэ. Къыхэгъэщыгъэн фае цIыф купхэр зещэгъэнхэмкIэ шапхъэу щыIэхэм адимыштэрэ автобусхэм кIэлэцIыкIухэр зэрэзэращэхэрэр нахьыбэ зэрэхъугъэр.

Гъогухэм къатехъухьэрэ тхьамыкIагъохэм къакIегъэчыгъэным, цIыфхэм язещэн нахь щынэгъончъэным апае 2022-рэ илъэсым мэлылъфэгъум и 6-м къыщыублагъэу и 11-м нэс Iофтхьабзэу «Ав­тобус» зыфиIорэр Адыгэ Респуб­ликэм щырекIокIыщт.

А уахътэм къыкIоцI шапхъэхэр мыукъогъэнхэм лъыплъэрэ къулыкъухэм ешъуагъэу рулым IутIыс­хьэхэрэр, транспортыр ыгъэIорышIэнымкIэ фитыныгъэ зэриIэр къэзыушыхьатырэ тхылъ зимыIэ­хэр, гъогум техьаным ыпэкIэ автобусым изытет язымыгъэуплъэ­кIугъэхэр къыхагъэщыщтых. КIэлэцIыкIухэр куп гъэнэфагъэ хъу­хэу автобусхэмкIэ зезыщэхэрэр ары шапхъэхэм адэмыхынхэмкIэ анахь пшъэдэкIыжь ин зыхьыхэрэр.

Т. К. ЛIыунай. Полицием имайор.