Инэм ермэлыкъым IэпыIэгъу щаугъоищт
Адыгэ Республикэм и ЛIышъхьэ иунашъокIэ ермэлыкъ сатыум тишъолъыр зыщырагъэушъомбгъу.
ЗэкIэ муниципалитетхэм тхьамафэ къэс мыр ащызэхащэ.
Продукциехэм язэмылIэужыгъуагъэ зэрэхагъэхъощтым, ащ дакIоу уасэхэр къызэтеIэжэгъэнхэм зэхэщакIохэм анаIэ тырагъэты. Мэкъумэщ продукциер къыдэзыгъэкIыхэрэм апае Iэрыфэгъу щэпIэ чIыпIэхэр къафызэIуахых.
Джащ фэдэу ермэлыкъхэм язэхэщэн нэмыкI шIыкIакIэхэр къафаугупшысых. ГущыIэм пае, Инэм щыкIогъэ мыщ фэдэ Iофтхьабзэм къекIолIагъэхэм плов стыр ашхын амал яIагъ. Ащ имызакъоу, Донбасс къикIыжьыхи зышъхьэ къезыхьыжьэжьыгъэхэу мы районым щыIэхэм апае IэпыIэгъу зыщаугъоищт чIыпIэ ермэлыкъым къыщызэIуахыгъ.