Ом изытет къызэтеуцожьэу зыфежьэм общественнэ чIыпIэхэм ыкIи фэтэрыбэу зэхэт унэхэм къапыщылъ щагухэм язэтегъэпсыхьан епхыгъэ IофшIэнхэр аублэ­жьыгъэх. Шъолъыр проектэу «Iэрыфэгъу къэлэ щы­IакIэр» зыфиIорэм игъэ­цэкIэн лъэпкъ проектэу «ПсэупIэр ыкIи къэлэ щыIакIэр» зыфиIорэм къыдыхэлъытагъ. ПстэумкIи тызыхэт илъэсым Адыгеим икъэлэ шъхьаIэ дэт фэтэрыбэу зэхэт унэхэм ящагуи 10-мэ гъэцэкIэ­жьынхэр арашIы­лIэщтых. Ащ пэ­Iухьащт со­мэ миллион 30-м ехъур федеральнэ программэу «Iэрыфэгъу къэлэ щыIакIэр» зыфи­Iорэм къыхиубытэу бюджет зэфэшъхьафхэм ­къа­хагъэкIыщт. Щагухэм анэмыкIэу общественнэ чIыпIи 3 зэты­рагъэпсы­хьащт: ура­мэу Чкаловым ыцIэ зы­хьы­рэр, 65, Пролетарскэр урамхэу Адыгейскэмрэ Школьнэмрэ зыщапхы­рыкIы­хэрэм адэжь. Адыгэ Республикэм псэолъэшIынымкIэ и Министерствэ къы­зэ­риты­гъэмкIэ, Джэджэ ыкIи Мыекъопэ районхэм, Яблоновскэм яоб­щест­веннэ чIыпIэхэм ыкIи ящагуи 5-мэ язэ­тегъэ­псыхьан епхыгъэ Iоф­шIэнхэр джыри лъагъэ­кIуатэх. Шэуджэн районым IофшIэнхэм язые­дзыгъо щаухыгъ, джы мэлылъфэгъум адрэ Iахьым игъэцэкIэн (чъыг­­хэм, уцхэм ягъэтIысын) щыпадзэжьыщт. Кощ­хьэ­блэ районым щагухэм язэтегъэпсы­хьан щау­хыгъ, джы общественнэ чIыпIэхэм афежьагъэх.