ШIыхьаф зэхащэщт
ЖъоныгъокIэ мэфэкI мафэхэр къэблагъэх. Хабзэ зэрэхъугъэу, Адыгэ Республикэм ичIыопс игъэкъэбзэн фэгъэхьыгъэ шIыхьафхэр зэхащэщтых.
Советскэ лъэхъаным ащ фэдэ шIыхьафхэм цIыфхэр жъугъэу ахэлажьэщтыгъэх, предприятиехэм, учреждение зэфэшъхьафхэм ящагухэр, лъэсрыкIо гъогухэр агъэкъабзэщтыгъэх, къэгъагъэхэмрэ куандэхэмрэ агъэтIысыщтыгъэх.
Адыгеим шIыхьафыр мэлылъфэгъум и 16-м щызэхащэнэу пэшIорыгъэшъэу рахъухьагъ.
АР-м и ЛIышъхьэ ренэу цIыфхэм къяджэ мыщ фэдэ Iофтхьабзэхэм ахэлэжьэнхэу. Ахэм ащыщ гъатхэм цIыфхэм ящагухэр, чэубгъухэр, хатэхэр зэрагъэкъэбзэнхэ фаер. Щагу дахэм гур къыдещае. Тыхэжъугъэлажь зэкIэми шIыхьафым, къэбзэныгъэр псауныгъэм ылъапс!