Урысыем кушъхьэфэчъэ спортымкIэ изэнэкъокъу Адыгэ Республикэм гъэшIэгъонэу щэкIо.

А. Евтушенкэр — щысэшIу

Апэрэ мэфи 4-м спортсменхэр едзыгъуи 4-мэ ащызэIукIагъэх. Адыгеим испорт еджапIэ щапIугъэ Александр Евтушенкэм едзы­гъуи 2-мэ текIоныгъэр къащыдихыгъ.

Километри 120-рэ хъурэ мы­жъо гъогур къызакIум, апэрэ чIы­пIэр къыдихыгъ. Зэнэкъокъум имайкэ гъожь къыфагъэшъошагъ, ятIонэрэ мафэм зэкIэми апэ итэу зэнэкъокъур ригъэжьагъ.

Километрэ 13-р хэушъхьафыкIыгъэу къызакIум, А. Евтушенкэр зэкIэми апэ ишъыгъ. Мэфи 4-м щыIэгъэ зэIукIэгъухэр зызэ­фа­хьысыжьхэм апэрэ чIыпIэр ти­спорт­смен къыхьыгъ.

НыбжьыкIэхэм язэнэкъокъухэр

Илъэс 17 — 18 зыныбжь кIа­лэхэм километрэ 13 къызакIум, Адыгеим испортсменэу Роман Долматовым апэрэ чIыпIэр къы­дихыгъ. Тренерэу Юрий Курочкиныр Р. Долматовым ипащ.

Александр Евтушенкэм итренерыр Анатолий Лелюк. Ащ къы­зэрэтиIуагъэу, Александр Урысыем кушъхьэфэчъэ спортымкIэ ихэшыпыкIыгъэ командэ хэт, зэ­нэкъокъухэм зафегъэхьазыры.

Хабаровск, Калининград…

— Адыгеим щыкIорэ зэнэкъо­къум Хабаровскэ, Москва, Ленин­град хэкум, Свердловскэ, Тюмень, Саратов, нэмыкIхэм яспорт­сменхэр хэлажьэх, — къы­тиIуагъ АР-м кушъхьэфэчъэ спор­тымкIэ и Федерацие ипащэу Ана­толий Лелюк. — Адыгэ Рес­пуб­ликэр мамырзехьэ шъолъырэу зэрэщытыр хэгъэгум испортсменхэм алъэгъу. Урысыем мамыр псэукIэр щыгъэпытэгъэным спорт­сменхэр, тренерхэр хэлажьэх.

— Республикэм испортсменхэм зэнэкъокъум гъэхъагъэу щашIырэр къэралыгъо гъэпсыкIэ иIэу Адыгеир зыпсэурэр илъэси 100 зэрэхъурэм фагъэхьы, — къы-­ Iуагъ Александр Евтушенкэм.

Мэлылъфэгъум и 6-м Мые­къуапэ игъогухэм зэнэкъокъухэр ащыкIощтых. Мэщытымрэ филармониемрэ адэжь мафэм сыхьатыр 11-м зэIукIэгъухэр спорт­сменхэм щырагъэжьэщтых.