Iахьзэхэлъ обществэу «Связьтранснефтым» икабельнэ линиехэр чIыдэгъэрыкIуапIэхэм язы Iахьэу щытых.

Мы обществэм илиниехэр зызэщыкъо­хэкIэ чIыдагъэм икъычIэщынкIэ техноло­гическэ процессри щынэгъуапIэм еуцо.

IофшIэнхэм зызэрафагъэхьазыр­хэрэр:

1. Кабельнэ линиехэр зэрыкIорэ чIыпIэхэр гъэунэфыгъэнхэм пае Iахьзэхэлъ обществэу «Связьтранснефтым» икъутамэу «Темыр-Кавказ ПТУС-м» (ыужкIэ СК ПТУС-р тIозэ дгъэкIощт) илIыкIо IофшIэнхэр зыщагъэцэкIэщтхэ чIыпIэм къащэн фае.

2. СК ПТУС-м илIыкIо япащэу сакъы­ныгъэ къызхагъэфэн зэрэфаер къэзы­гъэлъэгъорэ тамыгъэхэр агъэуцунхэу, пчэ­гъухэр чIасэнхэу, кабелыр зычIэлъ чIы­пIэм етIэнхэшъ, ащ изытет зэрагъэшIэнэу щыт. Кабельнэ линие шъхьаIэм, сакъыныгъэ къызыхагъэфэн зэрэфаер къэзыгъэлъэгъорэ тамыгъэхэм, СК ПТУС-м илинейнэ-кабельнэ псэуа­лъэхэм яэскизнэ схемэ язытет къызыщыушыхьатыгъэ актым нэIуасэ зыфашIын фае.

ЧIым етIэгъэнымкIэ шапхъэхэр:

1. IофшIэнхэр рамыгъажьэзэ, ка­бельнэ линиехэр къызыщагъэгъунэхэрэми, ащ къыпэIулъ чIыпIэхэми чIычIэгъхэм ­ачIэлъ кабельхэр арэкIохэмэ зэрагъэшIэнэу.

2. СК ПТУС-м илIыкIо ахэтмэ ары кабельнэ линиехэу къагъэгъунэхэрэм адэжь Iоф щашIэ зыхъущтыр.

3. СК ПТУС-м илIыкIо къэмысэу кабельнэ линиер къызыщагъэгъунэрэ чIыпIэм IофшIэнхэр щызэхащэхэ хъущтэп.

4. СК ПТУС-м илIыкIо емыупчIыжьхэу чIыдэгъэрыкIуапIэр зычIэлъым дэжь ятIэ къыщырахы, машэхэр щатIыхэ хъущтэп. Мыщ фэдэ шапхъэхэм зэрадэхыхэрэр ары нахьыбэрэмкIэ кабельнэ линиехэр зэщызыгъакъохэрэр!

5. Техническэ документацием имыт кабель горэ къызагъоткIэ, IофшIэнхэр зэпагъэунхэшъ, а чIыпIэм СК ПТУС-м илIыкIо къыращэлIэн фае.

Урысые Федерацием ишэпхъэ, изаконодательнэ актхэм, Урысые Федерацием и Правительствэ 1995-рэ илъэсым мэкъу­огъум и 9-м ышIыгъэ унашъоу N 578-р зытетэу «Урысые Федерацием илиниехэмрэ связымкIэ ипсэуалъэхэмрэ якъэу­хъумэнкIэ шапхъэхэр ухэсыгъэнхэм ехьы­лIагъ» зыфиIорэм адиштэу линиехэмрэ связымкIэ псэуалъэхэмрэ зэщызыгъа­къохэрэм административнэ пшъэдэкIыжь арагъэхьыщт. Кабелыр зэщызыгъакъорэм административнэ пшъэдэкIыжь (лэжьэпкIэ анахь цIыкIум фэдэ 400-м нэс), уголовнэ пшъэдэкIыжь рагъэхьын (сомэ мин 500-м нэсэу тазыр рагъэтын е илъэсым къыщегъэжьагъэу илъэсищым нэсэу хьапс тыралъхьан) алъэкIыщт.