Адыгеим ыкIи Пшызэ шъолъыр ащыпсэурэ быслъымэнхэм я ДиндэлэжьапIэ КъурIаным къеджэгъэнымкIэ шъэожъые­хэм ыкIи пшъэшъэжъыехэм азыфагу зэнэкъокъу щызэхи­щагъ. Ар едзыгъуищэу екIокIыгъ.

Апэ район мэхьанэ иIэу мэщытхэм зэнэкъокъур ащыкIуагъ. Анахь дэгъоу КъурIаным къеджэхэу къыхахыгъэхэр гъэтхапэм и 27-м Мыекъуапэ дэт мэщытым щыкIогъэ кIэух зэнэкъокъум хэлэжьагъэх.

Анахь дэгъоу КъурIаным къеджа­гъэхэр: илъэси 8 — 12 зыныбжь кIэлэцIыкIухэмкIэ а 1-рэ чIыпIэр Бекэ Заурбэч (Тэхъутэмыкъое район), я 2-р — ЛIэхъусэжъ Махьмуд (Мыекъуапэ), я 3-р — Магомед Алиевым (Мыекъопэ район) афагъэшъошагъэх.

Илъэс 13 — 16 зыныбжь шъэожъыехэмкIэ а 1-рэ чIыпIэр Магомед Увайсовым (Мыекъуапэ), я 2-р — Мухаммадшариф Шариповым (Тэхъутэмыкъое район), я 3-р — Уракъ Амин (Успенскэ район) къыдахыгъэх.

Илъэси 8 — 12 зыныбжь пшъэшъэ­жъыехэмкIэ а 1-рэ чIыпIэр Бекэ Ами­нэ (Тэхъутэмыкъое район) фагъэшъошагъ.

Илъэс 13 — 16 зыныбжьхэмкIэ а 1-рэ чIыпIэр Амина Раджабовам (Тэ­хъутэмыкъое район), я 2-р — Хадиджа Мирзадибировам (Мыекъопэ район), я 3-р — Аиша Райимжановам афагъэшъошагъэх.

ХагъэунэфыкIырэ чIыпIэхэр къыдэзыхыгъэхэм зэкIэми уасэ зиIэ ыкIи нэпэеплъ шIухьафтынхэр аратыгъэх.