Урысые Федерацием и Правительствэ 2022-рэ илъэсым гъэтхапэм и 10-м ышIыгъэ унашъоу N 336-р зытетэу «Къэралыгъо, муниципальнэ уплъэкIунхэр зэрэзэхащэхэрэм ехьылIагъ» зыфиIорэм зэрэщыгъэнэфагъэмкIэ, предпринимательствэ цIыкIумрэ гурытымрэ апылъхэм гъэтхапэм и 1-м ще­гъэжьагъэу прокурорым ишIэ хэлъэу планхэм къадыхэмылъытэгъэ уплъэкIунхэр арашIылIэн залъэкIыщтыр цIыфхэм ящыIэныгъэрэ япсауны­гъэрэ зэщыкъонхэм, къэралыгъом ищынэгъончъагъэ къеIыхыным, чIыопс, техногеннэ нэшанэ зиIэ тхьамыкIагъо къэхъуным ищынагъо щыIэ зыхъукIэ, яфитыныгъэхэр зэ­раукъуагъэм ехьылIэгъэ тхьаусыхэ тхылъхэр цIыф­хэм къазыIэкIагъахьэхэкIэ ары. Урысые Федерацием и Президент, Урысыем и Правительствэ и Тхьаматэрэ ащ игуадзэрэ яунашъокIи ащ фэдэ уплъэкIунхэр зэхащэнхэ алъэкIыщт.

Федеральнэ законэу «Мы­коммерческэ орга­низациехэм яхьылIагъ» зыфиIорэм ия 32-рэ статья ия 4.2-рэ пункт ия 2-рэ, ия 3-рэ, ия 5-рэ, ия 6-рэ подпункт, Федеральнэ законэу «Зыфэе диныр ылэжьынэу хэти фитыныгъэ зэриIэм, дин объединениехэм яхьылIагъ» зыфиIорэм ия 25-рэ статья ия 5-рэ пункт ия 3-рэ абзац ащыгъэнэфэгъэ лъэхъанхэми предпринимательхэр ащ фэдэ уплъэ­кIунхэм къахырагъэубытэшъущтых.

Я. Г. Тараканова. АР-м ипрокурор иIэпыIэгъу шъхьаI.