Тыкъэзыуцухьэрэ дунаим тыфэсакъын фае

Пыдзэфэ пытэу псэупIэхэм къащаугъоирэр ращэлIэнэу агъэнэфагъэм шIокIэу хэбзэнчъэу ашIыгъэхэр шъолъыр операторым джырэблагъэ Iуихыжьыгъэх.

Мызыгъэгум ащ фэдэ хэкIитэкъупIэхэр къызщыхагъэщыгъэхэр Красно­гвардейскэ ыкIи Шэуджэн районхэр ары.

— ХэкIыр зыщызэтыратэкъогъэ чIыпIэм клеен­кэр бэу щылъэу Садовскэ псэупIэ коим къыщыхэдгъэщыгъ. Фермерэу экологием, чIыгум, жьым, псым якъэбзэныгъэ зына­Iэ анахьыбэу тетын фае­хэм фэбапIэхэр, парник­хэр зэраухъумэщтыгъэ клеен­кэу ямыщыкIэгъэ­жьыр къыратэкъугъэу те­гуцафэ. Пыдзафэхэр зэ­рэIуащыхэрэм пае ыпкIэ ытынэу фэмыехэм ямысагъэкIэ тичIыгухэм цумпи, хэтэрыкIи, пхъэшъхьэ­мышъхьи къащыбгъэкIы­жьын умылъэкIыным тыкъыфэкIонкIэ щынагъо хъугъэ. КъатIомэ тшIоигъу, тыкъэзыуцухьэрэ дунаим икъэухъумэн нэбгырэ пэпчъ иIахь хилъхьан ылъэкIыщт. Ащ ищыкIа­гъэр хэкIым идэщын пае шъо­лъыр операторым зэзэгъы­ныгъэм удыкIэтхэнэу ары ныIэп, — къыIуагъ ООО-у «ЭкоЦентрэм» и Адыгэ шъолъыр къутамэ ипащэу Алыбэрд Налбый.

Мы номерхэмкIэ утео­мэ, зэзэгъыныгъэм укIэтхэн плъэкIыщт: 8(8772) 21-06-04, 8-918-425-96-22, ООО-у «ЭкоЦентрэм» иин­тернет нэкIубгъо бгъэ­федэми хъущт: https://adygeya.clean-rf.ru.

ХэкIыр имычIыпIэ щыратэкъугъэу шъурихьы-лIэ­мэ, «линие плъырым» ите­лефонкIэ шъукъытеонэу тышъолъэIу: 80800-707-05-08. Пчэдыжьым сыхьатыр 7.00-м щыублагъэу пчыхьэм 8.00-м нэс зыгъэпсэфыгъо ямыIэу колл-гупчэм испециалистхэм Iоф ашIэ.

ООО-у «ЭкоЦент­рэм» и Адыгэ шъолъыр къутамэ ипресс-къулыкъу