ЦIыфхэм социальнэ фэIо-фашIэхэр афэзыгъэцэкIэрэ Гупчэу псэупIэу Красногвардейскэм дэтым нэжъ-Iужъхэр, сэкъатныгъэ зиIэхэр мафэрэ щаIыгъынхэу ща­гъэпсыгъэ отделением иIофшIэн блэкIыгъэ тхьамафэм ригъэжьагъ. Большесидоровскэ псэупIэ коим щыщэу Гупчэм социальнэ фэIо-фашIэхэр зыфигъэцэкIэрэ нэбгыри 9 апэрэ мафэм ащ ращэлIэгъагъ. Отделением Iоф зэришIэщтыр, оборудованиеу агъэфедэщтыр, языгъэпсэфыгъо уахътэ зэрафызэхащэщтыр ахэм къафаIотагъ, арагъэлъэгъугъ. Специалистхэм нэжъ-Iужъэу отделением къащагъэхэм япсауныгъэ изытет ауплъэкIугъ, ар нахь гъэпытэгъэным фытегъэ­псыхьэгъэ Iофтхьабзэхэр, шъхьадж ежь шIогъэшIэгъоныр, икIасэр къыдалъытагъэу, кружокхэр афызэхащагъэх. Пшъэрылъ шъхьаIэу мы отделением иIэр зыныбжь хэкIотагъэхэмрэ сэкъатныгъэ зиIэ­хэмрэ ящыIакIэ нахьышIу шIыгъэныр, япсауныгъэ гъэпытэгъэ­ныр ары. Апэрэ мафэм Iофтхьабзэу афызэхащагъэхэм яшIуагъэ къызэрэкIуагъэр купым хэтыгъэхэм къахэщыгъ. ШIуагъэ хэлъэу яуахътэ зэрагъэкIуагъэр, мафэ къэс отделением къэкIонхэу зэрэхьазырхэр къыкIагъэ­тхъызэ, ащ Iоф щызышIэхэрэм «тхьашъуегъэпсэу» къараIуагъ. Шъугу къэдгъэкIыжьын, лъэпкъ проектэу «Демографием» къыдыхэлъытагъэу мыщ фэдэ отделении 5 Адыгеим къыщызэIуа­хын гухэлъ яI.