ЦIыфхэм яеплъыкIэхэм, яшIошIхэм якъэугъоин фэгъэзэгъэ социологическэ организациехэм къызэратырэмкIэ, УФ-м и Президентэу Владимир Путиным Украинэм щырихьыжьэгъэ хэушъхьафыкIыгъэ дзэ операцием дезыгъаштэхэрэм япчъагъэ лъэшэу хахъоу агъэунэфыгъ.

Зэфэхьысыжьхэм къызэрагъэлъагъорэмкIэ, зэ­упчIыгъэхэм япроцент 77,2-р къэралыгъом ипащэ къотэгъу къыфэхъух. Президентым цыхьэ фашIымэ къаIонэу занкIэу ащ фэгъэхьыгъэ упчIэр зэратыгъэхэм япроцент 79,6-мэ Владимир Путиным цыхьэ фашIэу къаIуагъ.

УФ-м и Президент иунашъокIэ Луганскэ ыкIи Донецкэ народнэ респуб­ликэхэм цIыфэу арысхэр къэухъумэгъэнхэм фытегъэпсыхьэгъэ хэушъхьафыкIыгъэ дзэ операци- ер мэзаем и 24-м рагъэ­жьагъ.

— Донецкэ ыкIи Луганскэ республикэхэм цIыфэу арысхэр щынэгъон­чъэу зэрэпсэущтхэм тицыхьэ телъ хъумэ, ахэр хэушъхьафыкIыгъэ субъектэу зэрэщытхэм, Къырым Урысые Федерацием зэрэщыщым Киев ады­ригъаштэмэ операциер къэдгъэуцущт, — къы­Iуагъ Владимир Путиным.

ЦIыфэу тихэгъэгу исхэм закъыфигъазэзэ, Донбасс фашизмэу, лъэпкъ гъэкIодынэу щырахьы­жьагъэр къызэтыригъэуцонэу, икъэ­ралыгъо гъунапкъэхэр къыухъумэнхэу Урысыем кIуачIи, амали зэриIэр къыкIигъэтхъыгъ.