ЦIыфхэм яахъщэ IэпэчIэгъанэхэр валютэу зэрагъэтIылъымэ ашIоигъор зэзыгъэшIэрэ сер­висэу «SuperJob» зыфиIорэм зэхищэгъэ Iофтхьабзэм Мыекъуапэ щыщхэри хэ­лэжьагъэх.

2014-рэ илъэсым къыщегъэжьагъэу цIыфхэм яахъщэ анахьэу долларкIэ е еврэкIэ агъэтIылъыщтыгъ. Ау джы сомэм нахь уасэ фашIы хъугъэ.

Зэфэхьысыжьэу ашIыгъэм къызэригъэлъэгъуагъэмкIэ, ахъщэр сомэкIэ бгъэтIылъмэ нахь тэрэзэу зылъытэ­хэрэр процент 43-рэ мэхъу, долларыр къыхэзыхыгъэр — процент 31-рэ, еврэр — процент 27-рэ. МэзитIукIэ узэкIэIэбэжьмэ, долларыр апэрэ чIыпIэм (46%), ащ ыуж еврэр (42%) итыгъэх, сомэр ахэм къакIэлъыкIощтыгъ. Валютэу щыIэхэр зэкIэ пштэмэ, Мые­къуапэ щыпсэухэрэм яна­хьыбэм сомэр къыхахы.

Зыныбжь нахь хэкIотагъэхэм IэкIыб валютэхэм цыхьэ афашIырэп, сомэр къыхахы. Мыекъуапэ щыпсэухэу, сомэ мин 80-м ехъу хахъо зиIэхэм мэзи­тIукIэ узэкIэIэбэжьмэ долларкIэ е еврэкIэ яахъщэ агъэтIылъыщтыгъ. Джы фунт стерлингыр, швейцарскэ фран­кыр, йеныр ыкIи нэмыкIхэр къыхахых.

=