КIэлэцIыкIу зэрыс унагъохэм адеIэщтых
Лъэпкъ проектэу «Демографием» къыдыхэлъытагъэу кIэлэцIыкIу зэрыс унагъохэм IэпыIэгъоу аратырэм къэралыгъом хегъахъо.
Илъэси 8-м зыныбжь шIокIыгъэу, ау 17-м емыхъугъэ сабый зэрыс унагъоу зигъот макIэхэм IэпыIэгъу ятыгъэным кIэщакIо фэхъугъ УФ-м и Президентэу Владимир Путиныр. Мазэм ахъщэу унагъом къыIэкIахьэрэр ащ исхэм зэкIэми атегощагъэу, зы нэбгырэм тефэрэр узэрыпсэун плъэкIыщт ахъщэ анахь макIэм кIэмыхьэрэмэ, мыщ къыхеубытэ.
Ны-тыхэм лъэIу тхылъхэр къэралыгъо фэIо-фашIэхэм япортал щатынхэ алъэкIыщт. НэмыкI пособиехэм афэдэу мыри картэу «Мир» къызэрыхьащтыр.
— Ахъщэ тыныр мэлылъфэгъу мазэм агъэнэфэнэу ащ фэгъэзэгъэ къулыкъум ригъэжьэщт, ау къызаIукIэщтыр жъоныгъуакIэм и 1-м щыублагъ. Джащыгъум мэзитIум апае, мэлылъфэгъумрэ жъоныгъуакIэмрэ, зэхэубытагъэу къаратыжьыщт. Пособиер мэкъуогъум нэс къызфимыхьэхэрэм мэзищыри зэхэтэу къафэкIожьыщт, — къыIуагъ АР-м IофшIэнымкIэ ыкIи социальнэ хэхъоныгъэхэмкIэ и Министерствэ иотделэу кIэлэцIыкIухэм, бзылъфыгъэхэм ыкIи унагъохэм яIофхэм апылъым ипащэу Саида Стрикачевам.
Мы лъэныкъомкIэ упчIэ зиIэхэр IофшIэнымкIэ ыкIи цIыфхэр социальнэу къэухъумэгъэнхэмкIэ Гупчэм теонхэ алъэкIыщт. Мары ащ икъутамэхэр зыдэщыIэхэмрэ ятелефонхэмрэ:
— къалэу Мыекъуапэ, урамэу Жуковскэм ыцIэ зыхьырэр, 59-рэ, телефоныр 8(8772)52-57-80; — поселкэу Тульскэр, урамэу Московскэр, 64-рэ, телефоныр: 8(87777)2-15-22; — станицэу Джаджэр, урамэу Кооперативнэр, 33-рэ, телефоныр 8(87779)9-19-43; — псэупIэу Красногвардейскэр, урамэу Зарничнэр, 6, телефоныр: 8(87778) 5-34-18; — къуаджэу Кощхьабл, урамэу Гагариным ыцIэ зыхьырэр, 74-рэ «Б», телефоныр: 8(87770)9-18-01; — къуаджэу Хьакурынэхьабл, урамэу Краснооктябрьскэр, 129-рэ, телефоныр: 8(87773) 9-25-08; — къуаджэу Пэнэжьыкъуай, урамэу Лениным ыцIэ зыхьырэр, 58-рэ, телефоныр: 8(8777); — Адыгэкъал, урамэу Лениным ыцIэ зыхьырэр, 321-рэ, телефоныр: 8(87772)9-29-53; — къуаджэу Тэхъутэмыкъуай, урамэу Хь.М. Шъэумэным ыцIэ зыхьырэр, 4, телефоныр: 8(87771)9-67-49.