«Динамо-МГТУ» Мыекъуапэ — «Русичи» Курск — 97:88 (31:12, 20:26, 23:25, 23:25). Гъэтхапэм и 27-м Мыекъуапэ щешIагъэх.

«Динамо-МГТУ»: Чичайкин — 18, Суслов — 9, Александров — 12, Гапошин — 3, Милютин — 16, Каренин — 6, Сизов — 26, Кочнев — 7. «Русичи» къыхэщыгъэхэр: Глазырин — 30, Аладко — 18.

Суперлигэм ия 2-рэ куп хэт бас­кетбол командэхэр финалым и 1/4-м щызэIукIагъэх.

— ТекIоныгъэр гъогогъуитIо къыдэзыхырэ командэр финалныкъом хэхьащт. Курскэ ешIэгъуи 2 щыти-Iэщт. Зыр къызытхьыкIэ, зэнэкъо­къум тыщылъыкIотэщт, ешIэгъухэм зафэтэ­гъэхьазыры, — къытиIуагъ «Ди­намо-МГТУ-м» итренер шъхьаIэу, Адыгэ Республикэм изаслуженнэ тренерэу Андрей Синельниковым.

Мэлылъфэгъум и 1-м ыкIи и 2-м «Динамо-МГТУ-р» Курскэ щешIэщт, гъэхъагъэ ышIынэу фэтэIо.