Адыгэ Республикэм и ЛIышъхьэу КъумпIыл Мурат N 29-р зытет унашъоу 2022-рэ илъэсым гъэтхапэм и 23-м къыдигъэкIыгъэмкIэ культурэмрэ искусствэмрэ алъэныкъокIэ гъэхъагъэхэу яIэхэм апае щытхъуцIэхэр афагъэшъошагъэх: «Адыгэ Респуб­ликэм инароднэ сурэтышI» зыфиIорэр Бырсыр Абдулахь Махьмудэ ыкъом – АР-м культурэмкIэ икъэралыгъо бюджет учреждениеу «АР-м исурэткъэгъэлъэгъуапI» зыфиIорэм идиректор; «Адыгэ Республикэм изаслуженнэ артист» зыфиIорэр Бэгъушъэ Анзор Аскэрбый ыкъом – культурэмкIэ къэралыгъо бюджет учреждениеу «Адыгэ республикэ Лъэпкъ театрэу И. Шъ. Цэ­им ыцIэкIэ щытыр» зыфиIорэм иактер; Дрожина Татьянэ Валерий ыпхъум – АР-м культурэмкIэ икъэралыгъо бюджет учреждениеу «А.С. Пушкиным ыцIэкIэ щыт урыс къэралыгъо драматическэ театрэм» ирежиссер шъхьаI; «Адыгэ Республикэм культурэмкIэ изаслуженнэ IофышI» зыфиIорэр Ацумыжъ Лианэ Нурбый ыпхъум – АР-м культурэмкIэ и Министерствэ цIыфхэм языгъэпсэфын зэхэщэгъэнымкIэ иотдел ипащ.