УФ-м и Роспотребнадзор къызэритыгъэмкIэ, зэпахырэ узэу коронавирусым иштаммэу «дельта» зыфиIорэр шIэхэу кIодыжьын ылъэкIыщт.

— Урысыем COVID-19-р къызэузыхэрэм япроцент 99-м штаммэу «омикроныр» ары къахагъэщырэр. Арышъ, «дельта-штаммыр» кIодыжьыпэн ылъэкIыщт ыкIи ар нэрылъэгъу къытфэхъу, — къыIуагъ Роспотребнадзорым инаучнэ куп ипащэу Анна Черкашинам.

Джащ фэдэу ащ къызэрэхигъэщыгъэмкIэ, ыпэкIэ щыIэгъэ «уханьскэр» джы агъэунэфырэп, мыщ епхыгъэ къэбар дунэе ыкIи урысые базэхэм арытэп. Черкашинам къызэриIорэмкIэ, коронавирусым иштаммыкIэу щынагъо къызпыкIын къыхагъэщыгъэгоп.