Ветеранхэм (пенсионерхэм) я Адыгэ республикэ Фондэу «ТекIоныгъ» зыфиIорэмрэ Адыгэ Республикэм иветеранхэм я Советрэ ягукъэкIыкIэ гъэтхапэм и 17-м сыхьатыр 12-м хэушъхьафыкIыгъэ дзэ операцием хэлажьэхэрэ тидзэкIолIхэм апае шIушIэ IэпыIэгъу атIупщыгъ.

— Дзэ хэушъхьафыкIыгъэ операцием хэлажьэхэрэм лIыхъужъныгъэ ин ахэлъэу яп­шъэрылъхэр агъэцакIэх. Ахэм агу къыдэтщэеным, тызэрягъусэр зэхядгъэшIэным пае мы шIушIэ IэпыIэгъур дгъэ­хьазырыгъэ. ДзэкIолIхэм нахь ящыкIэгъэ зызэраупсыщт Iэмэ-псымэхэр, зэшъощтхэ псыхэр, зыпалъхьащт Iалъэхэр ядгъэщагъэх, — еIо ветеранхэм я Адыгэ рес­ пуб­ликэ Фондэу «ТекIоныгъ» зыфиIо— рэм ипащэу Нэхэе Юрэ.

Джащ фэдэу Адыгэ республикэ гимназием икIэлэеджакIохэм атхыгъэ письмэ 300 фэдиз шIушIэ IэпыIэгъум игъусэщтых. ЛIыхъужъныгъэу зэрахьэрэр къизыIотыкIырэ усэ цIыкIухэр, псаоу къэкIожьынхэу зэряжэхэрэр къызыщыраIотыкIыгъэ тхыгъэхэр ахэм ахэлъых.