Урысыем дзюдомкIэ изэIукIэгъухэу «Къыблэ Ди­визион» зыфиIохэрэр Мыекъуапэ щызэхащагъэх.

Илъэс 15-м нэс зыныбжь кIэ­лэцIыкIуи 139-рэ зэнэкъокъугъ. Адыгэ Республикэм испорт еджа­пIэу Кобл Якъубэ ыцIэ зыхьырэм, Тэхъутэмыкъое районым испорт еджапIэу «Шапсыгъэм» защызыгъасэхэрэр Къыблэ шъолъырым изэIукIэгъухэм ащыбэнагъэх.

Хэгъэгу зэнэкъокъум иапэрэ едзыгъо Ермэлхьаблэ, ятIонэрэр Новороссийскэ ащыкIуагъэх. Ящэнэрэ едзыгъор Мыекъуапэ щырекIокIыгъ.

Едзыгъуи 3-р зызэфахьысы­жьым, Адыгеим ихэшыпыкIыгъэ командэ я 5-рэ чIыпIэр къы­хьыгъ. Я 8-рэ чIыпIэр къыдэзыхыгъэ­хэри зэнэкъокъум щылъэкIуатэх.

ЗэхэщэкIо купым хэтхэу Адыгэ Республикэм физкультурэмкIэ ыкIи спортымкIэ и Комитет итхьаматэу Дэгужъые Мурат, спорт еджапIэхэм япащэхэм, тренерхэм къызэраIуагъэу, кIэлэеджакIохэм яIэпэIэсэныгъэ хагъэхъонымкIэ, дзюдом нахь зегъэушомбгъугъэнымкIэ зэнэ­къо­къухэм яшIуагъэ къызэрэкIо­рэр бэнакIохэм алырэгъум къы­щагъэлъэгъуагъ. Зичэзыу я 4-рэ зэIукIэгъухэр Волгоград щыкIощтых.