Урысые общественнэ шIушIэ организациеу «Урысыем икIэлэцIыкIу фонд» зыфиIорэм и Адыгэ республикэ къутамэ ипащэу Татьяна Гоголевам УФ-м и Прези­ден­тэу Владимир Путиным иунашъо игъоу елъытэ.

— Дзэ хэушъхьафы­кIыгъэ операциер цIыфхэм якъэгъэнэжьын, ти­къэралыгъо мамыр щы­IакIэ илъыным афэIоры­шIэ. Урысыем идзэ къулыкъу хэтхэм ДНР-м ыкIи ЛНР-м ащыпсэурэ бзы­лъфыгъэхэр, сабыйхэр псаоу къагъэнэжьых, бандеровцэхэм ыкIи националистхэм жъалымыгъэу зэрахьэрэр гъунэнчъ. Ти­къэралыгъо ипащэ унашъоу ышIыгъэр тэрэз. Илъэси 8-рэ кIогъэ заом кIэух фэхъун, Донецкэ ыкIи Луганскэ ащыпсэурэ цIыфхэр зыхэтыгъэ тхьамыкIагъом кIэух фэшIы­гъэн фэягъ. Тызэгъусэу ти­къэралыгъо тыкъоуцон фае. Тызэкъотмэ тылъэш, — еIо Татьяна Гоголевам.

Джащ фэдэу ДНР-м ыкIи ЛНР-м егъэзыгъэкIэ къикIыгъэхэу УФ-м ичIыпIэ зэфэшъхьафхэм ащыIэ кIэлэцIыкIухэм, гъот ма­кIэ зиIэ унагъохэм IэпыIэгъу арагъэгъотыным фэшI шIушIэ фондым джырэкIэ ахъщэ зэриугъоирэр тигущыIэгъу къыIуагъ.