«Къэралыгъом ипащэ тицыхьэ телъ»
ХэушъхьафыкIыгъэ дзэ операцием фэгъэхьыгъэ унашъоу Урысые Федерацием и Президентэу Владимир Путиным ышIыгъэм зэрэдыригъаштэрэр къыIуагъ Урысые общественнэ организациеу «Урысыем и НыбжьыкIэхэм я Союз» зыфиIорэм и Адыгэ шъолъыр къутамэ ипащэу Мыгу Бислъан.
«Урысыем щыпсэухэрэм ящынэгъончъагъэ, ащ игъунапкъэхэм якъэухъумэн, ДНР-м ыкIи ЛНР-м ащыпсэурэ цIыфхэм мамырныгъэ ягъэгъотыжьыгъэныр ары хэушъхьафыкIыгъэ дзэ операциер зыфэгъэхьыгъэр. Тикъэралыгъо ипащэ унашъор ышIыныр IэшIэх къыщыхъугъэп, ау ащ нэмыкI хэкIыпIэ щыIагъэп. Непэ Урысыем фэгъэхьыгъэ къэбар нэпцIыбэ къекIокIы, санкциехэр ашIых. Тизакъоу тыкъэнэщтэп, анахь къэралыгъо инхэу, къэгъэлъэгъон дэгъухэр зиIэхэр тигъусэх, арышъ, къиныгъохэм тапхырыкIыщт. Ти Президент сицыхьэ телъ, икъэралыгъо, ицIыфхэм ящынэгъончъагъэ къыдилъытэзэ унашъохэр ешIых. Урысые Федерацием и УIэшыгъэ КIуачIэхэм ахэтхэм лIыхъужъныгъэ зэрахьэзэ япшъэрылъхэр агъэцакIэ, ДНР-м ыкIи ЛНР-м ащыпсэурэ цIыфхэм ящынэгъончъагъэ къаухъумэ.