Ковидыр къызэузырэ сымаджэхэм япчъагъэ къызэрехыгъэм къыхэкIэу гъэтхапэм и 14-м къыщегъэжьагъэу зэпахырэ узхэм зыщяIэзэхэрэ госпитальхэм ягъолъыпIэ чIыпIэхэр пIэкIор 200-кIэ нахь макIэ ашIыгъэх.

— Мы уахътэм ехъулIэу коронавирусыр къызэузырэ сымаджэхэм апае гъо­лъыпIэ 550-рэ къагъэнагъ. Температурнэ гупчэхэр зэфашIыжьыгъэх, ау сыма­джэхэм IэпыIэгъу афэхъу­рэ ковиднэ бригадэхэм Iоф ашIэ, — къытыгъ шъо­лъыр Оперативнэ штабым.

Гъэтхапэм икъихьагъум цIыфхэм яIэзэгъэнымкIэ зэкIэ сымэджэщхэм ыкIи поликлиникэхэм яIофшIэн рагъэжьэжьыгъ.