Коронавирусыр къызэузыхэрэм япчъагъэ къызэреIыхыгъэм ыкIи эпидемиологие лъэныкъомкIэ Iофхэм язытет нахьы­шIу зэрэхъугъэм къахэкIэу агъэнэфэгъэгъэ шапхъэхэм ащыщхэм къакIегъэчыгъэным епхыгъэ унашъохэр шъолъыр зэфэшъхьафхэм ащаштэх.

ГущыIэм пае, къалэу Москва нэгуIухъор шIокI имыIэу аIулъын фаеу зэ­рэщытыгъэ гъунапкъэм гъэтхапэм и 15-м къы­щегъэжьагъэу кIуачIэ иIэ­жьыщтэп. Ащ фэгъэхьыгъэ унашъом кIэтхагъ мэ­рэу Сергей Собяниныр.

Ау ащ емылъытыгъэу, врач-инфекционистэу Николай Малышевым къы­зэриIуагъэмкIэ, зыныбжь хэкIотагъэхэм ыкIи хэу­жъыныхьэгъэ узхэр зиIэ­хэм ахэр джыри аIулъы- мэ ишIуагъэ къэкIощт.

Шъугу къэдгъэкIыжьын Адыгейми гъунапкъэхэм ащыщхэм къазэракIыра­гъэчыгъэр.

Гъэтхапэм и 11-м къыщегъэжьагъэу кинотеатрэхэм, кафехэм, ресторанхэм, спорт учреждениехэм, культурэм ипсэуа­лъэхэм, хьакIэщхэм, зыгъэпсэфыпIэ унэхэм а­чIа­хьэхэ зыхъукIэ QR-кодхэр арагъэлъэгъунхэр ищы­кIэгъэжьыщтэп. ЦIыфхэр жъугъэу зыхэлэжьэхэрэ Iофтхьабзэхэм, культурэм, спортым, зыгъэпсэфыным япхыгъэ псэуа­лъэхэм нэбгырэ пчъагъэу якIолIэщтхэмкIи гъунапкъэ яIэжьэп.

Къыхэдгъэщы тшIоигъу, нэгуIухъом епхыгъэ шапхъэр тишъолъыркIэ зытетыгъэм тетэу къэнэжьы, ар джыри щагъэзыерэп. Джащ фэдэу цIыфхэм азыфагу илъ зэпэчы­жьагъэр джыри къыдыха­лъы­тэн фае.