ПрограммированиемкIэ я VI-рэ шъолъыр олимпиадэу «Junior» зыфиIорэр мы мафэхэм Адыгэ къэралыгъо университетым щыкIуагъ.

Апшъэрэ еджапIэм зэпхыныгъэ зыдыриIэ компаниеу «ITV» зыфиIорэр иIэпыIэгъоу ар зэхащагъ.

Олимпиадэр Адыгэ къэ­ралыгъо университетым ыкIи Пшызэ къэралыгъо университетым ащыкIуагъ. ЗэкIэмкIи апшъэрэ еджэпIитIумэ ащеджэрэ нэбгырэ 59-рэ ащ хэлэжьагъ. Ахэм ащыщэу нэбгырэ 28-р АКъУ-м хьисапымкIэ ыкIи компьютер шIэны­гъэхэмкIэ ифакультет ще­джэх. Тистудентхэм шIэныгъэ куухэр къагъэлъэгъуагъ, апэрэ чIыпIищы- ри къахьыгъ.

Апэрэ чIыпIэр къылэ­жьыгъ Александр Кузнецовым, ятIонэрэ чIыпIэр къыфагъэшъошагъ Вла­димир Верденкэм, ящэ­нэрэ хъугъэ Емыж Ис­лъам.

— Адыгэ къэралыгъо университетым истудентхэм мыщ фэдэ гъэхъэ­гъэшIухэр апэрэп зэра­шIырэр. Мы олимпиадэм текIоныгъэ къы­щы­дэзы­хыгъэхэр джащ фэ-дэу Поволжскэ ЗэIухыгъэ хьисап олимпиадэу студентхэм апае зэхащагъэм хэлэжьагъэх ыкIи хагъэунэфыкIырэ чIыпIэ­хэр къалэжьыгъэх, — къы­щаIуагъ АКъУ-м ипресс­-къулыкъу.