Лъэпкъ проектхэм ягъэцэкIэн мы илъэсым сомэ мил­лиар­ди 5,4-м ехъу республикэм щыпэIуагъэхьащт.

АхэмкIэ зэзэгъыныгъэ­хэр джыдэдэм процент 53,5-м нэсыгъ, адрэхэм Iоф адашIэ.

Адыгеим социальнэ-­экономикэ хэхъоныгъэ ышIыным фытегъэпсыхьэгъэ унэе программэмкIэ зэзэгъыныгъэу адашIыгъэр процент 50-м ехъу. Гухэлъ­хэм адиштэу нэмыкI Iоф­шIэнхэр лъагъэкIуатэх.

Культурэм ылъэныкъо­кIэ ашIынэу агъэнэфэгъэ псэолъэ инхэмкIэ IофшIэнхэр ыкIэм фэкIуагъэх. Лъэпкъ унэу Пушкиным ыцIэ зыхьырэр, АР-м и Лъэпкъ музей, искусст­вэ­хэмкIэ кIэлэцIыкIу еджапIэр къызэIуахыжьынхэм фэхьазырых.

Джащ фэдэу гъэтхапэм ыкIэм нэс культурэм иучреждении 4-мэ, искусствэхэмкIэ еджапIэхэу Ханскэм ыкIи Мые­къуапэ ащыIэхэм, мо­дельнэ тхылъеджапIэхэм ягъэцэкIэжьын епхыгъэ проектхэм япхыгъэу зэзэгъыныгъэхэр адашIыщтых.