Адыгэ Республикэм и Общественнэ палатэ ипащэ игуадзэу Анна Крюковам хэушъхьафыкIыгъэ дзэ операциеу Донецкэ ыкIи Луганскэ ащыкIорэм зэ­рэ­дыригъаштэрэр къыIуагъ.

— Тэ, Общественнэ палатэм илIы­кIохэм, УФ-м и Президентэу Владимир Путиным иунашъо тэрэзэу тэлъытэ. Украинэр демилита­ризацие ыкIи денацификацие шIыгъэныр, ДНР-м ыкIи ЛНР-м ащы­псэурэ цIыфхэр къэухъумэгъэнхэр ары пшъэрылъ шъхьаIэу яIэр. Илъэ­си 8-м къыкIоцI урысхэу мы чIыпIэхэм ащыпсэухэрэм щыIакIэ яIагъэп, къятыгъощтыгъэх, аукIыщтыгъэх, яунэхэр къагъаощтыгъэх. Iофыр мамырэу зэшIохыгъэ хъуным бэрэ ежагъэх, ау ар нахь дэи хъу­зэпытыщтыгъ. Минскэ зэзэгъыны­гъэр агъэцэкIэнэу фэягъэхэп. НАТО-м ихэгъэгухэм Iашэхэр Украинэм къы­рагъэуцощтыгъэх, ащкIэ Урысыем ищынэгъончъагъэ аукъощтыгъ. Арышъ, нэмыкI хэкIыпIэ щымыIагъэу, игъом хэушъхьафыкIыгъэ операциер аублагъэу сэлъытэ.

ДжырэкIэ Урысыем фэгъэхьыгъэ къэбар нэпцIыбэ къызэрекIокIырэр, ахэр пшIошъ бгъэхъу зэрэмыхъущтыр кIэухым Анна Крюковам къыIуагъ.