«Заом сэкъатныгъэ хэзыхэгъэхэр» зыфиIорэ Урысые обществен­нэ фондым и Адыгэ республикэ къутамэ итхьаматэу Джа­рымэ Рэщыдэ Украинэм щыкIорэ хэушъхьафыкIыгъэ дзэ операцием фэгъэхьыгъэу игупшысэхэр къыриIотыкIыгъэх.

— Украинэм бырсырэу илъыр зы мэфэ закъокIэ къежьагъэп, 2014-рэ илъэсым къыщыублагъэу Донецкэ ыкIи Луганскэ народнэ республикэхэм ащыпсэухэрэм ямамырныгъэ щыIакIэ нацистхэм зэхакъутагъ. Ахэм яныдэлъфыбзэ, якультурэ чIарагъэнэным пылъых, жъалымыгъэ ады­зэрахьэ. Арышъ, хэушъхьафыкIыгъэ дзэ опе­рациер игъо шъыпкъэу рагъэжьагъ. Сыда пIомэ, къэбар жъугъэм иамалхэм къызэ­рэхаутыгъэмкIэ, охътэ благъэхэм мы рес­публикэхэм атебэнэнхэу загъэхьазыры­щтыгъ. Джы мы уахътэм анахь шъхьаIэр зэрэобществэу, хабзэри, бизнесри, общественнэ движениехэри зэкъоуцонхэшъ, УФ-м и Президент дырагъэштэныр ары, — къыIуагъ Джарымэ Рэщыдэ.

ТигущыIэгъу къызэрэхигъэщыгъэмкIэ, егъашIэм ныбджэгъуныгъэ зыдытиIэгъэ гъунэгъухэм ящыкIэгъэ шIушIэ IэпыIэгъур амал зэриIэкIэ ядгъэгъотын фае. Ащ дакIоу, общественнэ фондым итхьаматэ цIыфхэм къяджэ къэбар нэпцI зэфэшъхьафэу социальнэ хъытыухэм къарыхьэхэрэр ашIошъ амыгъэхъунхэу ыкIи зэIэпамыхынхэу.