Медицинэ IэпыIэгъу арагъэгъотыгъ
Лъэпкъ проектэу «Псауныгъэр къэухъумэгъэныр» зыфиIорэм къыдыхэлъытагъэу шъолъыр проектэу «Медицинэ фэIо-фашIэхэм яэкспорт хэхъоныгъэ ышIыныр» зыфиIорэр щыIэныгъэм щыпхыращы.
Ащ ишIуагъэкIэ 2021-рэ илъэсым къыкIоцI IэкIыб къэралхэм къарыкIыгъэ нэбгырэ 10154-мэ медицинэ IэпыIэгъу арагъэгъотыгъ. Аужырэ илъэсищым мыхэм афэдэ нэбгырэ мин 20-м ехъум яIэзагъэх.
Ахэр Абхъазым, Азербайджан, Армением, Узбекистан, Таджикистан, Туркмением ащыщых. Джащ фэдэу Сирием къикIыгъабэмэ яIэзагъэх. Ахэм анахьэу фтизиатрием, хирургием, офтальмологием алъэныкъокIэ медицинэ IэпыIэгъу арагъэкIыгъ.
Шъугу къэдгъэкIыжьын, проектэу «Медицинэ фэIо-фашIэхэм яэкспорт хэхъоныгъэ ышIыныр» зыфиIорэм пшъэрылъ шъхьаIэу иIэр медицинэ технологиехэм яэкспорт хэхъоныгъэхэр ышIынхэм, АР-м псауныгъэр къэухъумэгъэнымкIэ исистемэ пэIухьащт мылъку тедзэхэр къэгъотыгъэнхэм афытегъэпсыхьэгъэ амалхэр гъэнэфэгъэнхэр ары.