Адыгэ Республикэм щыпсэухэу лъытэныгъэ зыфэтшIыхэрэр!

ТичIыпIэгъу лъапIэхэр!

Адыгабзэмрэ тхыбзэмрэ я Мафэ фэшI тышъуфэгушIо!

Адыгабзэм иапэрэ хьарыфылъэ 1853-рэ илъэсым гъэтхапэм и 14-м Бэрсэй Умар Тифлис къызэрэщыдигъэкIыгъэм епхыгъэу мы мэфэкIыр хагъэунэфыкIы. Адыгэ лъэпкъым лIэшIэгъубэмэ къа­кIоцI хэлъ хъугъэ шэн-хабзэхэм, гушъхьэлэжь байныгъэхэм, тикультурнэ кIэн илъэныкъо шъхьаIэхэм зыкIэ ащыщ адыгабзэм лъытэныгъэ ин зэрафэтшIырэр ащ къегъэлъагъо.

Тиреспубликэ къэралыгъо гъэпсыкIэ иIэ зыхъугъэм ия 100-рэ илъэс мыгъэ хэдгъэу­нэфыкIыщт. Адыгеим 1922-рэ илъэсым автономием истатус иIэ зэхъум тирес­публикэ ищыIэныгъэ лъэныкъо пстэуми, лъэпкъыбзэм, литературэм, адыгэ теат­ральнэ искусствэм, къэбар жъугъэм иамалхэм хэхъоныгъэ аригъэшIыгъ.

Ныдэлъфыбзэм икъэухъумэнкIэ ыкIи изегъэушъомбгъункIэ, лIэужхэм якультурэ бай зэлъагъэIэсынымкIэ непэ тапашъхьэ пшъэрылъышхохэр итых.

Научнэ, творческэ интеллигенцием, адыгэ лъэпкъ-культурэ общественнэ объединениехэм ялIыкIохэм, адыгабзэр зыIулъхэм акIуачIэ зэдырахьылIэмэ гухэлъышIоу яIэхэр къадэхъун зэралъэ­кIыщтым, ныдэлъфыбзэр шIу алъэгъоу, ятарихърэ якультурэрэ агъэлъапIэхэу, нэмыкI лъэпкъхэм яшэн-хабзэхэм лъытэ­ныгъэ афашIэу ныбжьыкIэхэр апIунхэ зэралъэкIыщтым тицыхьэ телъ.

ТичIыпIэгъу лъапIэхэр, псауныгъэ пытэ шъуиIэнэу, шъуигъашIэ кIыхьэ хъунэу, шIоу щыIэр зэкIэ къыжъудэхъу­нэу, шъуиIофшIэн гъэхъагъэхэр щышъу­шIынэу тышъуфэлъаIо!

Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат

Адыгэ Республикэм и Къэралыгъо Совет – Хасэм и Тхьаматэу Владимир Нарожный