Адыгэ Республикэм ыкIи Пшызэ шъолъыр ащыпсэурэ быслъымэнхэм я ДиндэлэжьапIэ Урысые Федерацием и Президентэу Владимир Путиным иунашъокIэ хэушъхьафыкIыгъэ дзэ операциеу Донецкэ ыкIи Луганскэ народнэ республикэхэм ащыкIорэм дырегъаштэ.

— ТицIыфхэр Украинэм ихьанхэу зыкIэхъугъэм лъапсэ имыIэу щытэп. Донецкэ ыкIи Луганскэ народнэ республикэхэм япащэ­хэм УФ-м и Президент лъэIу­кIэ зыкъызэрэфагъэзагъэм ар къы­кIэлъыкIуагъ. Украинэм щыпсэухэрэм ащыщхэм нацизмэ ыкIи фашизмэ нэшанэ зыхэлъ язе­кIуа­кIэ дебгъэштэн плъэкIыщтэп. Украинэм ихэбзэ къулыкъушIэхэм политикэ шIоеу зэрахьэрэр щыгъэзыегъэныр, мамыр цIыфхэр ащ щыухъумэгъэнхэр ары непэ Урысыем мурадэу иIэр. ЩыIэкIэшIу тиIэу тыпсэуным фэшI тятэжъхэм апсэ емыблэжьэу яхэгъэгу фэбэна­гъэх. Арышъ, нацизмэм ыкIи фашизмэм яидеологие пхырызыщын гухэлъ зиIэхэм ар афэтыдэ хъущтэп. Тарихъыр ыкIи тилIыхъужъхэм яшIэжь дгъэлъэпIэнхэ фае. Тэгугъэ, Урысыем ипащэ кIэщакIо зыфэхъугъэ хэушъхьафыкIыгъэ дзэ операциер псынкIэу зэшIохыгъэ хъунэу. Тхьэм телъэIу тикIалэхэр псаоу, узынчъэхэу яунагъохэм къагъэзэжьынхэу.