Урысые Iофтхьабзэу «Тызэгъус» зыфиIорэм ишъолъыр штаб ипащэу Ованес Шекерьянц республикэм иволонтерхэм ацIэкIэ Урысыем и Президентэу Владимир Путиным иунашъохэм зэрадырагъаштэрэр къыIуагъ.

— ДНР-м ыкIи ЛНР-м ащыпсэурэ цIыфхэм шъхьафитыныгъэ ягъэгъотыжьыгъэныр, мамыр щыIакIэ яIэ хъужьыныр ары хэ­ушъхьафыкIыгъэ дзэ операциер зыфэгъэ­хьыгъэр. Илъэси 8-м къыкIоцI лажьэ зимыIэ цIыф къызэрыкIохэр фэхыгъэх, ахэм ащыпсэурэ тилъэпкъэгъухэм щыIакIэ яIа­гъэп, ямылъку атырахыщтыгъ, теракт- хэр щашIыщтыгъэх. Ар къэгъэуцугъэн фэягъ. СыдигъокIи тикъэралыгъо ицIыфхэр къеухъумэх. Тицыхьэ телъ непэ къин зылъэгъурэ цIыфхэм мамыр щыIакIэр зэрагъотыжьыщтым. Тэ волонтерхэм амалэу тиIэмкIэ тишIуагъэ къэтэгъакIо. Мы народнэ республикэхэм къарыкIыгъэхэу Урысыем щыIэхэм гуманитар IэпыIэгъу афэтыугъоигъ. ХэушъхьафыкIыгъэ дзэ операцием хэт кIалэхэм тафэгумэкIы, лIы­хъужъныгъэшхо зэрахьэзэ ахэр бзэ­джашIэхэм ыкIи нацистхэм апэшIуекIох, цIыфхэр къаухъумэх, — къыIуагъ Ованес Шекерьянц.