Мыекъуапэ икъэзэкъхэм яотдел ипащэу Александр Даниловыр хэушъхьафыкIыгъэ дзэ операциеу Донецкэ ыкIи Луганскэ республикэхэм ащыкIорэм дырегъаштэ.

— Украинэм инацистхэм жъалымыгъэу зэрахьэрэр тинэрылъэгъу. 2014-рэ илъэсым къыщегъэжьагъэу цIыф къызэрыкIохэр якIэнэкIалъэхэу, лажьэ зимыIэхэр аукIыхэу, яныдэлъфыбзэкIэ (урысыбзэкIэ) амыгъэгущыIэхэу, щыIакIэ ямыIэжьэу, егъэзыгъэу псэугъэх. Ащ кIэух фэшIыгъэн фэягъ. УФ-м и Президентэу Владимир Путиным унашъоу ышIыгъэм десэ­гъаштэ. ХэушъхьафыкIыгъэ дзэ операциер игъо дэдэу сэлъытэ. Ащ ишIуагъэкIэ, Урысыем пэмычыжьэу украинэ лабораториехэм биологическэ Iашэхэр зэрэщашIыщтыгъэр агъэу­нэфыгъ. НАТО-м идзэ техникэ Урысыем игъунапкъэхэм къырагъэуцуалIэщтыгъ. ТикъэралыгъокIэ ар щынагъо. Дзэ операциер игъом зэрэ­рагъэжьагъэм ыкIи ар зэрэтэрэзым щэч хэлъэп, — еIо Александр Даниловым.