АР-м ибзылъфыгъэхэм я Союз и Правление хэт Зоя Бацюн хэушъхьафыкIыгъэ дзэ операциеу Донецкэ ыкIи Луганскэ народнэ республикэхэм ащыкIорэм фэгъэхьыгъэу игупшысэхэм тащигъэгъозагъ:

- Киев щыпсэурэ бандеровцэхэм цIыфхэм ящыIэныгъэ зыпарэкIи къырадзэрэп. Ахэм, «тижъуагъохэм» афэдэу, цIыфхэм яахъщэкIэ ябизнес агъэпсыгъ, унэ зэтегъэпсыхьагъэхэр ашIыгъэх, ежь ашъхьэ нэмыкI амылъэгъоу рэхьатэу мэпсэух, зыкIи ыгъэгумэкIыхэрэп илъэс пчъагъэ хъугъэу Донбасс щыпсэухэрэр зэрэхэкIуадэхэрэм. Щэу къатIупщыхэрэм ыкIи хабзэр зыIыгъ «хьэкIэ-къуакIэхэм» защаухъумэзэ лIыжъ-ныожъхэр, бзылъфыгъэхэр, кIэлэцIыкIухэр чIыунэхэм ачIэсых. Тэ, ныхэу тикъэралыгъо фэшъыпкъэхэм, къиным лъэшэу тегъэгумэкIы. Украинэм ипащэхэм политикэ шIоеу зэрахьэрэр  лъэпкъ террорым епхыгъ. Гур къегъэтхьамыкIэ ежь яцIыф дэдэхэм гуманитар икIыпIэ арамытэу гъэрэу зэраIыгъхэр, бзылъфыгъэхэр ыкIи кIэлэцIыкIухэр зэраукIыхэрэр зыплъэгъукIэ. Урысыем и Президент зыфэтэгъазэ псынкIэу ыкIи пхъашэу США-м, Англием ыкIи НАТО-м хэхьэрэ нэмыкI къэралыгъохэм санкциехэр атырилъхьанэу.