Тхьамафэу икIыгъэм  ректорхэм я Урысые Союз Украинэм щыхъурэм фэгъэхьыгъэу цIыфхэм закъыфигъэзагъ. Хэгъэгум иапшъэрэ еджэпIи 150-м нахьыбэм яректорхэр ащ  кIэтхагъэх. Ахэм ахэт Мыекъопэ къэралыгъо технологическэ университетым иректорэу Къуижъ Саидэ. - Урысыем иректорхэм я Союз къышIыгъэ джэпсалъэр игъоу сэлъытэ. Урысые Федерацием  щынэгъончъэнымкIэ и Совет, УФ-м и Президент, Правительствэм унашъоу ашIыгъэхэм адетэгъаштэ, цыхьэ афэтэшIы. Тихэгъэгу щынэгъончъагъэ илъыным, тинеущырэ мафэ рэхьатыным а пстэур фэIорышIэщт. Тихэгъэгу стратегическэ зыпкъитыныгъэ илъыным, социальнэ-экономикэ хэхъоныгъэ ышIыным афэшI тызэкъоуцон, зыкIыныгъэ тхэлъын фае, - къыIуагъ  Мыекъопэ къэралыгъо технологическэ университетым иректорэу Къуижъ Саидэ.