Бзылъфыгъэхэм афэгушIуагъэх
Хабзэ зэрэхъугъэу, илъэс къэс гъэтхэ Iофтхьабзэу «Цветы для автоледи» зыфиIорэр республикэм икъэралыгъо автоинспекторхэм зэхащэ. Автомобилыр зезыфэрэ бзылъфыгъэхэр къагъэуцухэзэ афэгушIох.
Анахь автомобилыбэ зэрыкIорэ урамхэм ащыщхэм инспекторхэр къытехьагъэх ыкIи документхэм яуплъэкIун къызэрыкIохэм ачIыпIэкIэ къэгъагъэхэр зэраратыхэрэр бзылъфыгъэхэм агъэшIэгъуагъ.
Бзылъфыгъэхэр гъогум щысакъынхэм, шапхъэхэр шIокI имыIэу агъэцэкIэнхэм, гъогурыкIоным хэлэжьэрэ пстэуми лъытэныгъэ афашIыным полицейскэхэр къыфэджагъэх.
Бзылъфыгъэхэр зэрэгушIохэрэр анэгухэм къакIэщызэ, инспекторхэм зэрафэразэхэр къараIуагъ, гъогурыкIоным ишапхъэхэр зэрагъэцэкIэщтхэр ахэм къыха-гъэщыгъ.