Украинэм, джащ фэдэу Донецкэ Народнэ Республикэм ыкIи Луганскэ Народнэ Республикэм къащыхъугъэ тхьамы­кIэ­гъо хъугъэ-шIагъэхэм къахэкIэу Мыекъуапэ и Епар­хиаль­нэ советрэ Адыгеим и Епархиерэ унашъо ашIыгъ зышъхьэ къезыхьыжьэжьыгъэхэм мылъку IэпыIэгъу аратынэу.

Тхьаумафэм, гъэтхапэм и 6-м, Адыгэ Республикэм зэкIэ ичылысхэм, Свято-Михайло-Афонскэ закубанскэ пустынем ыкIи Архиерейскэ подворьем зышъхьэ къизыхыжьыгъэхэу фэныкъо­хэм апае къатырэ ахъщэр зэралъхьан алъэкIыщт пкъыгъохэр ачIагъэуцощтых, — къытыгъ Епархием и ГъэIорышIапIэ.

Ащ нэмыкIэу зышъхьэ къизыхыжьыгъэхэм IэпыIэгъу афэхъугъэным фэгъэ­зэгъэщт штаб Епархием щызэхащагъ. Заоу кIорэм зэрар зэрихыгъэ цIыфхэм Iоф зэрадашIэщт планри зэхагъэу­цуагъ.

Адыгеим ичылысхэм социальнэ IэпыIэгъур зэраIэкIагъэхьащтым епхыгъэ упчIэ зиIэхэр мыщ фэдэ телефонымкIэ теонхэ алъэкIыщт: 8 918-223-98-95.