Ковид-сертификатхэр ягъэфедэн Москва ипащэхэм зэрэщагъэзыягъэм къикIырэп пандемиер ыкIэм фэкIуагъэу.  Ащ фэдэ еплъыкIэ иI вирусологэу Анатолий Альтштейн.

Специалистым зэрилъытэрэмкIэ, мы унашъоу ашIыгъэм къыкIэлъыкIоу эпидемием пэшIуекIорэ шапхъэхэр ежь-ежьырэу цIыфхэм агъэцэкIэнхэ ыкIи зыкъаухъумэжьын алъэкIыщт. Ау вакцинациер зыщагъэгъупшэ хъущтэп. Джащ фэдэу нэгуихъохэр агъэфедэнхэм, аIэхэр атхьакIынхэм анаIэ тырагъэтын фае. Джащыгъум коронавирусым тыпэшIуекIон, тицIыфхэм япсауныгъэ къэтыухъумэн амал щыIэщт.