Президентымрэ хэгъэгумрэ тырягъус!

ТицIыкIугъом къыщегъэжьагъэу тащыщ пэпчъ ер, шIур, зэфагъэр Хэгъэгур зилIэужыгъор зэхе­шIыкIы.

Донбасс дэс мамыр цIыфхэм илъэси 8 хъугъэу ахаохэрэр агъэпщынэнхэр зэфагъэ хъущт.

ЯныдэлъфыбзэкIэ шъхьафитэу гущыIэхэ зэра­шIоигъо закъом пае цIыф къызэрыкIохэр зыу­шъхьакIущтыгъэхэм, зыукIыщтыгъэхэм яфэшъуашэ ягъэгъотыгъэныр зэфагъэ хъущт.

Нацизмэр зэхэзыгъэтэкъогъэ тятэжъ пIашъэхэм лIыхъужъныгъэу зэрахьагъэр зыщытымыгъэгъуп­шэныр зэфагъ.

Тэ, общественнэ организациехэм япащэхэм, щыIэныгъэм ипчэгу итхэм, ти Президент курсэу пхырищырэм детэгъаштэ, общественнэ кIочIэ пстэуми зэкъоуцонхэу тыкъяджэ.

Урысыем и УIэшыгъэ КIуачIэхэм ядзэкIолI, яофи­цер лIыхъужъхэм, Донецкэ, Луганскэ народнэ республикэхэм ядзэкъулыкъушIэхэмрэ яополченцэхэмрэ зэрадедгъаштэрэр къэтэIо.

Ткъош Украинэм ис цIыфхэу акъылыгъэм рыгъуазэхэрэм тыкъяджэ мыщынэнхэу, ткъош лъэпкъ­хэр илъэс пчъагъэрэ зэфэзыгъэблыщтыгъэхэ, фашизмэм ышъхьэ зыкъезыгъэIэтыжьыгъэ, Те­кIоныгъэшхом пае лъыр зыгъэчъэгъэ тятэжъхэм яшIэжь зыушъхьакIурэ националистхэм апэшIуе­кIонхэу.

Урысыем и Апшъэрэ главнокомандующ иунашъокIэ Урысые Федерацием и УIэшыгъэ КIуачIэхэр зэрэзекIохэрэмкIэ илъэси 8 хъугъэу Донбасс щыкIорэ заор кIэухым фащэ, Украинэр Будапешт­скэ меморандумым къыхэщыжьыгъэнэу В. Зеленскэм икъотэгъухэм къызаIо нэуж ящэнэрэ дунэе ядернэ заоу къэхъун ылъэкIыщтыр щагъэзые.

Урысыем зао къыригъажьэрэп.

Урысыем заор еухы.

Джэпсэлъэ шъхьэихыгъэу «Президентымрэ хэгъэгумрэ тырягъус!» зыфиIорэм кIэтхэжьыгъэх урысые мыкоммерческэ организациехэм япэщэ ыкIи яактивист 5000-м ехъу. Ахэм ахэхьэх Адыгэ РеспубликэмкIэ лIыкIохэр:

А. Къуаджэ, Адыгэ Республикэм заомкIэ, Iоф­шIэнымкIэ, УIэшIыгъэ КIуачIэхэмкIэ ыкIи хэбзэухъу­мэкIо къулыкъухэмкIэ иветеранхэм (пенсионерхэм) яобщественнэ организацие итхьамат;

Я. Андар, Адыгэ республикэ общественнэ организациеу «Адыгэ Республикэм къэзыгъэзэжьыгъэхэм IэпыIэгъу языгъэгъотырэ Фондым» итхьамат;

А. Тэу, Адыгэ Республикэм къэзыгъэзэжьыгъэхэр щыIэныгъэм зыщыхагъэгъозэжьхэрэ Унэм итхьамат;

Р. ЛIымыщэкъу, Адыгэ Республикэм иобщест­веннэ движениеу «Адыгэ Хасэм» итхьамат;

А. Ильясов, Адыгэ республикэ общественнэ организациеу «Къэндзал культурнэ-просветительскэ обществэу «Дуслык» итхьамат;

О. Нигоев, Урысые общественнэ организациеу «Урысыем ис ермэлхэм я Союз» и Адыгэ республикэ къутамэ итхьамат;

А. Спиров, Адыгэ республикэ общественнэ организациеу «Мамырныгъэм и Лигэ» итхьамат, урымхэм я Адыгэ республикэ общественнэ организациеу «Арго» итхьамат;

Н. Коновалова, общественнэ-политическэ организациеу «Адыгеим ис славянхэм я Союз» иправление итхьамат;

А. Данилов, Пшызэ шъолъыр дзэ къэзэкъ обществэм и Мыекъопэ къутамэ иатаман;

Ю. Шыкъултыр, Адыгэ шъолъыр общественнэ организациеу «Чернобыль сэкъатныгъэ щыхэзыхы­гъэхэр» зыфиIорэм итхьамат;

Р. Джарым, Афганистан сэкъат щыхъугъэхэм я Урысые общественнэ организациеу «Заом сэкъат щыхъугъэхэр» зыфиIорэм и Адыгэ республикэ къутамэ итхьамат;

Ю. Нэхай, ветеранхэм (пенсионерхэм) IэпыIэгъу языгъэгъотырэ Адыгэ республикэ фондэу «ТекIоныгъ» зыфиIоу Хъ. Б. Андырхъуаем ыцIэ зыхьырэм итхьамат;

А. Харитонов, ветеранхэм я Урысые организациеу «Боевое братство» зыфиIорэм итхьамат;

Т. Барцо, Урысыем и ДОСААФ и Адыгэ респуб­ликэ общественнэ организацие итхьамат;

Н. ГъукIэлI, Адыгэ Республикэм инахьыжъхэм я Совет итхьамат;

А. Бзэджэжъыкъу, Урысые общественнэ организациеу «Урысыем ижурналистхэм я Союз» и ­Адыгэ республикэ къутамэ итхьамат;

К. Ацумыжъ, обществэу «ШIэныгъэм» и Адыгэ республикэ организацие итхьамат;

Ю. Едыдж, сэкъатныгъэ зиIэхэм я Урысые об­щественнэ организациеу «Союз Чернобыль» и Адыгэ республикэ организацие итхьамат.