Тэхъутэмыкъое районым инароднэ депутатхэм я Совет изичэзыу сессиеу тыгъуасэ щыIагъэм зэдырагъаштэу шъэф голосованиекIэ ащ фэдэ унашъор ща­штагъ. Мы IэнатIэм тапэкIэ Iу­тыгъ Шъхьэлэхъо Азмэт.

Шъэо Аскэр Хьа­джумар ыкъор 1966-рэ илъэсым мэлылъфэгъум и 2-м къэхъугъ, апшъэрэ гъэсэныгъэ иI, Пшызэ къэралыгъо аграр университетыр сэнэхьатэу «мэкъу-мэщым имеханизацие» зыфиIорэмкIэ къыухыгъ.

Шъэо Аскэр Адыгэ Республикэм и Къэралыгъо Совет — Хасэм и Тхьаматэ игодзэ IэнатIэр, аграр политикэмкIэ, мылъкумрэ чIыгумрэ япхыгъэ зэфыщытыкIэхэмкIэ парламент комитетым итхьа-­ мэтэ IэнатIэр ыIыгъыгъэх.

Медалэу «Адыгеим и Щытхъузехь», Адыгэ Рес­публикэм и Къэралыгъо Совет — Хасэм и Щытхъу тамыгъэу «Закон. Пшъэрылъ. ЦIыфыгъ» зыфиIорэр къыфагъэшъошагъэх.