«Коллективнэ иммунитет» зыфатIорэм Урысыем зыкъыщиIэтын зэри­лъэкIыщтыр иммунологым къыIуагъ.

Статистическэ уплъэкIунхэм къагъэлъэгъорэ пчъагъэхэм анахьи, COVID-19-м епхыгъэ «коллективнэ иммунитетым» ишапхъэ нахьыбэн ылъэкIыщт. Официальнэ къэтынхэм япчъагъэхэм анахьи ар проценти 10-кIэ нахьыб.

Медицинэ шIэныгъэхэмкIэ докторэу, иммунологэу Михаил Костиновым къызэриIуагъэмкIэ, пчъагъэхэр зэрэзэтекIыхэрэм лъапсэу иIэр коронавирусыр нэбгырабэмэ къамышIэу, къямыхьылъэкIэу апэкIэкIэу ыкIи медицинэ IэпыIэгъу ямыщыкIагъэу къызэрэхэкIырэр ары.

— КоронавирусымкIэ зэрэсымэджагъэхэр нэбгырабэмэ официальнэу арагъэтхырэп, ау уплъэкIунэу арагъэшIыхэрэм ар къаушыхьаты. Сэ къызэрэсшIошIырэмкIэ, гъэнэфагъэу сымэ­джагъэхэм япчъагъэ джыри про­центи 10 хэбгъахъоми хъу­нэу ары, — еIо медицинэ шIэныгъэхэмкIэ докторым.

Ащ дакIоу пандемиер къызэтегъэуцогъэным фэшI «коллективнэ иммунитетыр» процент 90 — 95-м зэрэнэсын фаем Костиновым ицыхьэ телъ. Ыпэ­кIэ шIэныгъэлэжьхэм зэралъы­тэщтыгъэр ар процент 75-м нэсымэ хъунэу арыгъэ.

Иммунологым зэрилъытэрэмкIэ, «коллективнэ иммунитетыр» анахь лъэгапIэхэм атетэу зэрэпIыгъышъущтыр вакцинациер ары.

— Узыр нахь зэкIакIоу, пан­демием тыкъызыхэкIыжькIэ, ревакцинациер илъэсым е ­илъэситIум зэ тшIымэ ­хъущт. Аузэ коронавирусыр пэтхъу-­Iутхъу узхэм ясатырэ хэуцощт, — хигъэунэфыкIыгъ Михаил Костиновым.