Мэз хъызмэтым иIофышIэхэу, иветеранхэу лъытэныгъэ зыфэтшIыхэрэр!
Шъуисэнэхьат епхыгъэ мэфэкIым — мэз хъызмэтым иIофышIэхэм я Мафэ фэшI тышъуфэгушIо!
Мэзхэр чIыналъэм «итхьабылэу» щытых. Ахэр акъылыгъэ хэлъэу зэрагъэфедэрэм бэкIэ елъытыгъэщт экономикэм хэхъоныгъэу ышIыщтыр, тыкъэзыуцухьэрэ дунаим изытетыщтыр, къыткIэхъухьэрэ лIэужхэм щыIакIэу яIэщтыр.
Къыфэгъэзэгъэ чIыпIэм ипроцент 40 фэдизыр мэзхэм зэрэзэлъаубытырэм епхыгъэу Адыгэ Республикэм ахэм мэхьанэшхо ареты. КъыдэгъэкIыжьынымкIэ зэрагъэфедэхэрэм нэмыкIэу, республикэм иэкологие, ирекреационнэ амал къэкIуапIэхэуи мэзхэр щытых.
Мы мафэм рэзэныгъэ гущыIэхэр апэдгъохы тшIоигъу мэз хъызмэтым щылажьэхэу тиреспубликэ имэзхэм якъэухъумэн, акъылыгъэ хэлъэу ахэр гъэфедэгъэнхэм ыкIуачIи ишIэныгъи афэзыгъэIорышIэхэрэм.
Мэз хъызмэтым иIофышIэхэми, иветеранхэми гуетыныгъэ фыряIэу зэрэлэжьагъэхэм, зыфэгъэзэгъэ Iофым зэрэфэшъыпкъэхэм, IэпэIэсэныгъэшхо зэрахэлъым афэшI тызэрафэразэр къэтэIо.
ТапэкIи IэпэIэсэныгъэу, шIэныгъэу шъуиIэр къызфэжъугъэфедэзэ, шъуипшъэрылъхэр зэрэжъугъэцэкIэщтхэм, тимэзхэм якъэухъумэн шъуишъыпкъэу шъузэрэфэлэжьэщтым тицыхьэ телъ.
Ныбджэгъу лъапIэхэр, псауныгъэ пытэ, щыIэкIэ-псэукIэ дэгъу шъуиIэнэу, Адыгеими, Урысыеми апае шъуиIофшIэн гъэхъэгъакIэхэр щышъушIынэу тышъуфэлъаIо!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу
КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу Владимир Нарожнэр