ТелефонкIэ къатыгъ. Урысые Федерацием иныбжьыкIэхэм самбэмкIэ язэ­нэкъокъухэр къалэу Кстово щы­кIуагъэх. 1992 - 1993-рэ илъэсхэм къэхъу­гъэ кIалэхэр алырэгъум щы­зэ­бэ­­ныгъэх. Адыгэ Республикэм испорт­сменхэм медалитIу къыдахыгъ.

Адыгэ къэралыгъо университетым физкультурэмрэ дзюдомрэкIэ иинститут щеджэрэ Хъущт Ахьмэдхъан килограмм 70-м нэс къэзыщэчырэмэ ябэныгъ, ятIонэрэ чIыпIэр къыдихыгъ. Европэм иныбжьыкIэмэ якIэух зэнэкъокъухэу мы илъэсым щыIэщтхэм ахэлэжьэнэу Хъущт Ахьмэдхъанэ фитыныгъэ иIэ хъугъэ.

Адыгэ къэралыгъо университетым икIэлэ­егъа­джэу, АР-м и ШВСМ итренерэу Хьэшхъуа­нэкъо Айвар егъасэ тибатыр ныбжьыкIэу А. Хъу­щтыр.

Мыекъуапэ щеджэрэ Чэсэбый Абрек килограмм 60-м нэс къэзыщэчырэмэ якуп ящэнэрэ чIыпIэр къыщихьыгъ.