Жъы мыхъурэ спектаклэмэ ащыщэу «Псэлъыхъохэр» Адыгэ Республикэм и Лъэпкъ театрэ мэфэкум щыкIуагъ. Мамый Ерэджыбэ ипьесэ техыгъэу «Псэлъыхъохэр» зыгъэуцугъэр режиссер цIэрыIоу КIуращынэ Аскэрбый.

Спектаклэм Адыгеим щызэлъашIэрэ артистхэу Устэкъо Мыхъутар, Пэрэныкъо Чатибэ, Кушъу Светланэ, Зыхьэ Заурбый, Кукэнэ Муратэ, Зыхьэ Мэлайчэт, Даур Жан­нэ, Бэгъ Алкъэс хэлажьэх. Хьапапэрэ Хьачикрэ ярольхэр къэзышIыхэрэ артистхэу Зыхьэ Заурбыйрэ Кукэнэ Муратрэ язакъоми, спектаклэм уемызэщэу уеплъы. Къоджэ щыIакIэм къытегущыIэрэ пьесэм гупшысэу уигъэшIырэр макIэп. IофшIэ­ныр колхозым зэрэщызэхащагъэр, ешхэн-ешъоным дихьыхыхэрэр гъогу тэрэз техьажьынхэм фэшI шIулъэгъу къабзэм уна­гъор къызэриухъумэрэр ыкIи зэригъэ­пытэрэр спектаклэм икъэшIыгъохэм ахэолъагъох.

Анахь дымыIури шIулъэгъуныгъэм «къызэригъэгущыIэрэр», унагъор пытэмэ уиIофшIэни нахьышIоу зэрэбгъэцэкIэ­щтыр, шIулъэгъуныгъэ зэфэзышIыгъэ ныбжьыкIэхэм язэгурымыIоныгъэ къызы­пкъырыкIырэр къуаджэм дэсхэми зэрэзэхахыгъэр артистмэ дахэу къагъэлъагъо. Адыгэ джэгу дахэкIэ къаухыгъэ спектаклэм ныбжьыкIабэ еплъыгъ. Тикъуаджэхэм «Псэлъыхъохэм» афэдэхэр нахьыбэрэ къащагъэлъагъо зэрашIоигъор районхэм къарыкIыгъэхэм къытаIуагъ.

Сурэтыр спектаклэу «Псэлъыхъохэм» къыщытырахыгъ.