Щылэ мазэм иаужырэ тхьамафэ Адыгэ Респуб­ли­кэмкIэ МВД-м бзэджэшIэгъи 142-рэ щатхыгъ. Ахэм ащыщэу цIыфым ипсауныгъэ зэрар рахыгъэу - 1, хъункIэн Iофэу - 4, тыгъуагъэу - 34-рэ, наркотикхэр ащэхэу - 6, экономикэм ылъэныкъокIэ - 12, гъэпцIэгъэ Iофэу - 5.

Республикэм игъогухэм хъугъэ-шIэгъиплI атехъухьагъ. Ахэм зы нэбгырэ ахэкIодагъ, нэбгыри 6-мэ шъобж хахыгъ. Водитель 40 ешъуагъэу машинэр зэрафэу къагъэуцугъ.

Охътэ кIэкIым къыкIоцI ар къадэмыхъуми, бзэджэшIагъэу зэрахьагъэхэм язэхэфын МВД-м ренэу ынаIэ тырегъэты. Ащ фэдэу щылэ мазэм и 24-м Мыекъуапэ къыщагъотыгъ ­илъэс 35-рэ зыныбжь кIалэу икIы­гъэ илъэсым имэлылъфэ-
гъу машинэм ит автомагнитолэмрэ колонкэхэмрэ зытыгъу­гъэр. ШэкIогъу мазэм складым гъуа­плъэм хэшIыкIыгъэ кабель метрэ 70-рэ зыты­гъу­гъэ­ри, Адэмые щыщ кIалэу гъу­нэгъумэ яунэ сотовэ телефонэу «Нокия» зыфиIорэмрэ сомэ мини 2-рэ къизыхыгъэри къаубытыгъэх.

А мэфэ дэдэм гъогоу Шы­тхьал - Джаджэ зыфиIорэм дэжь ДПС-м иIофышIэхэм къыща­гъэуцугъэ автомобилым спирт литрэ 1310-рэ къырагъо­тагъ. Ар лит­рэ тфырытф зэ­рыфэрэ бэшэрэбхэм арытыгъ. Рулым Iусыгъ илъэс 20 зыныбжь кIа­лэу Къэбэртэе-Бэлъкъар Республикэм щыщыр. Ар къалэу Чегем къикIыгъэу Мые­къуапэ къакIощтыгъ.

Ыужырэ мафэм къагъэуцу­гъэ автомобилэу «Ниссан» зы­фиIорэм ащ фэдэу спирт литрэ 1100-рэ итыгъ. Илъэс 45-рэ зы­ныбжь кIалэу Ермэлхьаблэ щыщым ар Мыекъуапэ къыщэщтыгъ.

Мы мафэхэм МВД-м иIофы­шIэхэр яшъыпкъэу алъэхъух бзэджашIэхэу Псыфабэ щыщ кIалэм доллар мин 50 шIозы­ты­гъугъэхэм. Зэрагъэунэ­фы­гъэм­кIэ, илъэс 23-рэ зыныбжь кIалэм амыгъэкощырэ ­мылъку ыщэ­фынэу Краснодар краим икъалэ горэм ежьэгъагъ. Ау ыпэ къикIыгъэ автомобилэу зэрытIысхьагъэм зэкIэ игухэлъхэр щаукъуагъэх. Гъогум спирт щырашъугъ ыкIи нэужым кIалэр ахъункIагъ. Зэрар зэрахыгъэм автомобиль гъогоу М4-Дон зы­фиIорэм иакъыл къыщыкIожьыгъ, ау ахъщэ-
ри игъогогъухэри ыгъотыжьы­гъэхэп.