2009-рэ илъэсэу икIыгъэм къыкIоцI алиментхэр къызэрамытыхэрэм къыхэкIэу УФ-м исуд приставхэм якъулы­къу АР-кIэ и ГъэIо­ры­шIапIэ дозна­ниемкIэ иорганхэм уголовнэ Iофи 150-рэ къызэIуахыгъ. Ащ фэдэ чIыфэ зытелъхэм ащыщэу нэбгырэ 13-мэ нахьыпэкIи пшъэ­дэ­кIыжь ахьыгъа­гъэу, ау джыри япшъэрылъхэр амыгъэцакIэхэу икIэ­рыкIэу яIоф зэхафыжьын фаеу хъугъэ. Уголовнэ Iофи 100-мкIэ алимент къэзымытыхэрэм пшъэдэкIыжь ахьынэу судхэм унашъо ашIыгъ.

Суд приставхэм ащ фэдэ чIыфэ зытелъхэр IэкIыбым амыгъэкIонхэу, къэралыгъо гъунапкъэхэр зэпарамыгъэчынхэу фитыныгъэ яI. Ахэм афэдэу 2009-рэ илъэсым спискэм нэбгыри 189-рэ хэтыгъ. Нэбгыри 114-мэ алимент къызэрамытырэм ыпкъ къикIыкIэ  ямылъку къаIахыгъ. Джащ фэдэу IофшIэпIэ чIыпIэхэр къаратынхэм фэшI, цIыфхэм IофшIапIэ ягъэгъотыгъэнымкIэ Гупчэм нэбгыри 167-мэ ятхылъхэр арагъэхьы­гъэх. Ахэм ащыщэу нэбгырэ 87-р учетым хэу­цуа­гъэу, ахъщэу къаратырэм алиментхэр хаубы­тыкIых, нэбгырэ 76-мэ Гупчэм IофшIэпIэ чIы­пIэхэр къаритыгъэх. Али­ментхэмкIэ чIыфэ зытелъхэм сабыйхэр зэря­Iэхэр агу къагъэ­кIы­жьы­нышъ, япшъэрылъхэр агъэцэкIэнхэу тыкъяджэ!

УФ-м исуд приставхэм якъулыкъу АР-кIэ и ГъэIорышIапIэ ипресс-къулыкъу