«Динамо» Мыекъуапэ - «Орел ГТУ - Олимп» Орел хэку - 89:83 (25:17, 21:23, 28:12, 15:31).

Мэзаем и 3-м Мыекъуапэ щызэIукIагъэх.

Зезыщагъэхэр: А. Андреев - Пятигорск, В. Жак - Ростов-на-Дону, А. Компанищенко - Азов.

«Динамо»: Барсуков - 9, Пепеляев - 11, Хмара - 21, Иванов - 12, Долгополов - 12, Тыу - 11, Гапошин - 13, Степанов, Хьакъун, Мэрэтыкъу.

«Динамэр» очко 24-кIэ хьакIэмэ апэ итэу уахътэ къыхэкIыгъэми, ешIэ­гъум текIоныгъэр къыщыдихыныр къехьылъэкIыгъ. Орел испортсменхэу Роман Плясовым, Артур Усковым, Дмитрий Тулениновым зэкIэлъыкIоу очкоуищ дзыгъохэр дэгъоу агъэцакIэ. В. Татраченкэми пчъагъэм хегъахъо. «Динамэм» итренер шъхьаIэу Андрей Синельниковым опыт зиIэ баскетболистхэр ешIапIэм зэрэрищыгъэхэр ­тикомандэ къегоуагъ.

Тыу Георгий ухъумакIомэ ­ябэнызэ очкоуи 9 «Динамэм» къызэрэфихьы­гъэм къыхэдгъэщырэр спортсмен ныб­жьыкIэр нахь пхъашэу ыпэкIэ илъы зыхъукIэ игъэхъагъэхэм ахигъэхъон зэрилъэкIыщтыр ары. Андрей Дол-
гополовми ухъумэн Iофхэр дэгъоу ыгъэцакIэхэу, гупшысагъэ хэлъэу Iэгуаор игъусэмэ аритэу зэп зэрэтлъэ­гъугъэр.

ХьакIэхэм хъагъэм Iэгуаор зэрэ-
ра­дзэрэр тшIогъэшIэгъоныгъ, ау гу­шIуа­гъо къытфихьыщтыгъэп. Такъи­къищ фэдиз къызэнэм, «Динамэр» очкоуи 5 ныIэп Орел икомандэ ыпэ зэритыгъэр. УшэтыпIэ уахътэм Илья Хмарэ щысэ тепхынэу ешIагъ, щитым пэчыжьэу тIогъогогъо Iэгуаор хъагъэм ридзагъ. Сергей Барсуковми зэхэщэн Iофхэр дэгъоу ыгъэцэкIагъэх.

Мыекъопэ «Динамэм» зэIукIэгъуи 4 зэкIэлъыкIоу къыхьыгъ, апэ ит ­командитфмэ ащыщ. Тибаскетбо­листхэр мэзаем и 12 - 13-м Волжскэ икомандэу «Волжанин-ГЭС»-м тикъалэ щыIукIэщтых.