«Ладэр» нахь лъэш»

«Лада» Тольятти - «Адыиф» Мые­къуапэ - 35:23.

Мэзаем и 2-м Тольятти щызэдешIа­гъэх.

ТелефонкIэ къатыгъ. Мыекъопэ «Адыифым» итренер шъхьаIэу, Урысыем изаслуженнэ тренерэу Александр Реввэ къызэрэтиIуагъэмкIэ, «Ладэм» зэхъокIыныгъэхэр фэхъугъэх. Дунаим ичемпионкэу Людмила Постновар «Звездам» аштагъ. Арэу щытми, Тольятти икомандэ хагъэунэфыкIырэ чIыпIэхэм афэбанэ.

«Адыифыр» «Ладэм» дэеу дешIагъэп шъхьае, бысымхэр а мафэм хэпшIыкIэу нахь лъэшы­гъэх. «Адыифыр» яблэнэрэ чIыпIэм щыI. Яна Усковар тикомандэ аштэжьыгъ, «Адыифыр» нахь чIыпIэ лъагэмэ афэбэнэным зыфегъэхьазыры.

Мэзаем и 5 - 10-м апшъэрэ купым хэт ганд­бол бзылъфыгъэ командэхэр Мыекъуапэ щызэ­дешIэщтых. Спортым пыщагъэхэр зэIукIэгъумэ яплъынхэу зэхэщакIомэ  рагъэблагъэх. Зэнэкъо­къухэм «Адыиф-2»-р ахэлэжьэщт.

Футбол. КIымэфэ зэнэкъокъухэр

«Гигантым» щызэIукIэщтых

Мыекъуапэ футболымкIэ изэнэкъокъу хэлэ­жьагъэхэр зэIукIэгъум къырагъэблагъэх. Хагъэу­нэфыкIырэ чIыпIэхэр къыдэзыхыгъэхэм афэгу­шIощтых. Адыгэ Республикэм ифутбол зегъэу­шъомбгъугъэным зэIукIэгъум щытегущыIэщтых. Зэхахьэр Мыекъуапэ культурэмкIэ и Унэ мэ­заем и 5-м, сыхьатыр 15-м щаублэщт.